Meer as 200 mense sterf in koue
2012-02-03 21:56
- Artikelopsies
- Deel
- Kry Volksblad op
KIËF. – Meer as 200 mense het reeds gesterf in ’n ysige week in Europa terwyl temperature nuwe laagtepunte bereik het.
In Tsjeggië is nagtemperature van so laag as -38,1°C gemeet en selfs in Rome het dit gesneeu. Die getal mense wat in die afgelope week se bittere koue gesterf het, het tot 218 gestyg.
In die Oekraïne het die dodetal skerp gestyg tot 101. Hiervan was 64 slagoffers dakloos. In Pole het temperature tot -35°C geval.
In Bulgarye het dit só koud geword dat dele van die Donaurivier gevries het.
Meer as 1000 Bulgaarse skole was gister ’n derde dag gesluit.
Die Britte moet hulle ook staal vir sneeu nadat temperature in die suidooste van Engeland tot -11°C geval het. Die weerkantoor het gesê die skielike koue kan mense onkant betrap ná ’n warmer as normale winter tot dusver. – Sapa-AFP-Reuters
- Sapa - AFP