Uhuru is twak, skerts Steve
2010-05-06 10:31
- Artikelopsies
- Deel
- Kry Volksblad op
Dorette Marais
Kaapstad – Die Afrikaanse sanger Steve Hofmeyr sê hy glo nie in die sogenaamde Uhuru-idee nie omdat hy geen hoop vir die ANC en sy jeugliga (ANCYL) se organisasievermoë het nie.
Hofmeyr het dié uitlating Donderdag grappenderwys op sy Twitter-blad gemaak.
“Die rede hoekom ek nie in Uhuru glo nie, is omdat die ANC en ANCYL nie [eens] 'n paartie in 'n wynkelder kan reël nie. Hulle is organisatories onnosel,” het Hofmeyr geskryf.
Uhuru is ‘n Swahili-woord wat vryheid beteken.
Sommige Suid-Afrikaners glo egter Uhuru is ‘n kodewoord vir ‘n plan om ‘n volksmoord op wit Suid-Afrikaners uit te voer.
In party kringe word geglo dié gebeurtenis sal plaasvind sodra oudpres. Nelson Mandela sterf.
- Nuus24