Dr. House sê vaarwel aan miljoene kykers
2012-02-10 22:03
- Artikelopsies
- Deel
- Kry Volksblad op
LOS ANGELES. – Dr. Gregory House groet televisiegehore aan die einde van die huidige reeks.
“Ná baie beraadslaging het die vervaardigers van House MD besluit dat hierdie seisoen, die agtste, die laaste een is,” het die vervaardigingspan in ’n verklaring gesê.
“Teen April vanjaar sal 177 episodes opgeneem wees, wat sowat 175 meer is as wat enigeen in 2004 verwag het.”
Die onortodokse dokter sal op 21Mei in die laaste episode te sien wees.
Die reeks, met die Britse akteur Hugh Laurie (52) in die hoofrol, het ’n stadige begin in 2004 gehad, maar teen 2008 die gewildste program op die kassie geword.
Volgens die graderingsagentskap Eurodata TV Worldwide het House MD in 2008 altesaam 81,8miljoen kykers in 66 lande gehad.
Die einde van House MDis ook die einde van Laurie se loopbaan as akteur. Hy het in November gesê hy wil meer agter die kamera begin inskuif. – Sapa-AFP
- Volksblad