Vrou oorleef ná trein haar tref
2010-03-10 12:43
Kaapstad – ‘n Vrou het die dood nouliks vrygespring toe ‘n trein Woensdagoggend in haar motor vasgery het by die Regina-spooroorgang op die Leeudoringstad-pad, het Chris Botha van Netcare 911 gesê.
Met Netcare 911 se aankoms op die toneel het hulle die wrakstukke van die Opel Corsa verskeie meter van die spoorlyn gevind.
Die bestuurder het weggekom sonder enige beserings, maar sy was erg getraumatiseer.
Paramedici het die vrou op die toneel ondersoek en vir skok behandel.
Sy is saam met familielede huis toe.
- Nuus24