Student spring na haar dood met baba op haar rug
2010-07-30 13:05
- Artikelopsies
- Deel
- Kry Volksblad op
Johannesburg – ‘n Student en haar sewe maande oue baba dogtertjie is Vrydag dood nadat die vrou van ‘n gebou afgespring het, met die baba aan haar rug vasgemaak.
Volgens nooddienste is die 24-jarige vrou en haar baba langs mekaar op die sypaadjie in die Johannesburgse middestad dood.
“Sy het glo na die boonste verdieping van die gebou waarin hulle woon, gegaan en gespring” het Percy Morokane, ‘n woordvoerder, gesê.
Die vrou en haar man het twee jaar gelede van Zimbabwe na Suid-Afrika verhuis. Die vrou was ‘n student by die Universiteit van Johannesburg.
Polisie ondersoek die voorval.
- SAPA