Selebi mag appelleer
2010-09-06 11:19
- Artikelopsies
- Deel
- Kry Volksblad op
Johannesburg – Die voormalige polisiekommissaris Jackie Selebi is Maandag verlof tot appèl toegestaan.
Selebi sal appèl aanteken teen sy vonnis van 15 jaar tronkstraf.
Regter Meyer Joffe het in die hooggeregshof in Johannesburg gesê dat hy slegs appèl mag aanteken teen die vraag oor of hy betalings van die dwelmhandelaar Glenn Agliotti ontvang het.
Sy borgtog is verleng.
Selebi se aansoek sal in die Appèlhof aangehoor word.
Die Nasionale Vervolgingsgesag (NVG) het verlede maand gesê dat Selebi die hof se toestemming sal vra om aansoek te doen vir appèl.
Selebi het geargumenteer dat sy vervolging gemanipuleer en op versteekte motiewe gebaseer was.
Regter Joffe het hom skuldig bevind op ‘n aanklag dat hy geld van die dwelmhandelaar Glenn Agliotti ontvang het en hy is in Julie vanjaar tot tronkstraf gevonnis.
Tog beweer Selebi dat die staatsaanklaer Gerrie Nel daarop uit was om hom te kry as gevolg van sy betrokkenheid in die proses om die anti-korrupsie-eenheid, die Skerpioene, te sluit.
- SAPA