Man sterf in botsing op N1
2010-07-30 10:49
- Artikelopsies
- Deel
- Kry Volksblad op
Wes-Kaap - 'n Man is dood toe 'n motor teen 'n boom naby Plattekloof in Kaapstad gebots het, het paramedici Vrydag gesê.
"'n Botsing vroeg vanoggend op die N1, naby Plattekloof, het die lewe van minstens een persoon geëis," het Tristan Wadeley, 'n woordvoerder van ER24, in 'n verklaring gesê.
"Met paramedici se aankoms op die toneel, was die voorste gedeelte van die motor steeds teen die boom en die agterste gedeelte is sowat 100m verder gevind."
'n Man is uit die motor geslinger en is op die toneel dood.
Niemand anders is beseer nie.
- SAPA