Dalton in April weer in hof
2010-03-03 13:49
- Artikelopsies
- Deel
- Kry Volksblad op
Pretoria - Hofverrigtinge teen die voormalige Springbok-haker James Dalton is Woensdag in die Pretoriase streekhof uitgestel.
Dalton staan tereg op aanklag van poging tot moord.
Die saak is tot 12 April uitgestel sodat sy verdediging aansoek kan doen om voorleggings aan die direkteur van openbare vervolging te maak.
Dalton word daarvan beskuldig dat hy sy eksvrou, Andrea, op 16 November 2007 probeer doodmaak het deur haar te stoot en haar kop onder water te hou om haar te verdrink.
Hy het glo ook 'n rok oor haar mond en neus gedruk in 'n poging om haar te versmoor.
Dít het glo alles by hul huis in Silver Lake, Pretoria, plaasgevind.
Hulle is in Augustus verlede jaar geskei.
Dalton het homself op 23 November 2007 aan die polisie oorgegee en is op borgtog van R1 000 vrygelaat.
Die saak is al verskeie kere uitgestel vir verdere ondersoek. In Februarie 2008 is die saak van die rol geskrap ná Dalton se prokureur verdere uitstellings teengestaan het.
– Sapa