Boot by Waterfront oopgegrawe
2012-02-08 22:20
- Artikelopsies
- Deel
- Kry Volksblad op
KAAPSTAD. – Die oorblyfsels van ’n skip of ’n boot, vermoedelik uit vervloë dae, is gister hier in die V&A Waterfront deur konstruksiewerkers gevind.
Ou kanonkoeëls is ook gevind.
Dit is nog onbekend hoe oud dit is en of enige ander artefakte behoue gebly het.
Volgens me. Lynette Lambert, woordvoerder van die V&A Waterfront, is die konstruksiewerk van die Nr.1 Silo-projek tydelik gestop.
Die ontdekking sal sorgvuldig deur ’n maritieme argeoloog bestudeer word.
“Die V&A Waterfront is ryk aan geskiedenis en dit is nie die eerste keer dat ons werklik boeiende ontdekkings maak wat deel van Kaapstad se erfenis is nie.
“Eers wanneer die argeoloog se verslag ontvang is, sal oor verdere stappe besluit word,” het Lambert gesê.
Volgens ’n studie wat dr. Bruno Werz, argeoloog en historikus, gedoen het, het daar tussen 1610 en 2006 minstens 360 skepe in Tafelbaai gesink.
- Volksblad