Koperkoeëls wag op uitgedunde Bafana

• Artikelopsies
  • Druk artikel
  • e-pos artikel
• Deel
  • Yahoo
  • Google
  • Digg
  • del.icio.us
  • Facebook
  • Twitter
• Kry Volksblad op
  • Jou selfoon
  • Jou Facebook-profiel

Morgan Gould

Foto's   ·   Lesersfoto’s   ·   Volksblad in Foto's Stuur vir ons jou foto's  ·  Stuur vir ons jou foto's

BLOEMFONTEIN. – Nou vir die Chipolopolo.

Met ’n voorsmaak van internasionale sokker sal die steeds uitgedunde Suid-Afrikaanse span nou probeer om die doppie van die Koperkoeëls, soos Zambië bekend staan, te klink.

Die spanne is Woensdag om 16:30 op die Randse stadion slaags in ’n nie-amptelike wedstryd as oefening vir die besoekers wat in die Afrikabeker-toernooi gaan speel.

Bafana Bafana het Vrydagaand in Bata met ’n string nuwelinge én ’n speler minder op die veld vir die laaste halfuur uitgehou om ’n gelykopuitslag (0-0) teen Ekwatoriaal-Guinee af te dwing.

Sewe nuwelinge, waarvan drie plaasvervangers, het daar hul buiging in internasionale sokker gemaak.

Met nog spelers wat intussen na hulle oorsese klubs moet terugkeer, is vyf veranderinge aangebring aan die groep wat daar was.

Bradley Grobler, Siboniso Gaxa en Daylon Claasen sal soos vooraf ooreengekom na hul oorsese klubs terugkeer.

Die verdediger Eric Matoho sal weens dood in sy familie nie kan speel nie.

Die span sal Woensdag ook met ’n nuwe kaptein speel omdat die waarnemende kaptein, Morgan Gould, deur sy klub SuperSport United herroep is.

Hul plaasvervangers reeds by die kamp in Phokeng is, Thami Sangweni (Amazulu), Thato Mokeke, Nhlanhla Vilakazi (albei Ajax Cape Town), Lehlohonolo Masalesa (Wits) en Thabo Nthete (Bloemfontein Celtic).

May Mahlangu van Helsingborg FC sal ook Sondag se wedstryd teen Ghana misloop omdat hy hom na die wedstryd teen Zambië weer by sy Sweedse klub moet aansluit.

)Die nuwe groep is:Doelwagters: Siyabonga Mpontshana, (Platinum Stars), Briliant Khuzwayo (Thanda Royal Zulu). Verdedigers: Thabo Nthete (Bloemfontein Celtic), Thato Mokeke (Ajax Cape Town), Gilbert Rudiger (Free State Stars), Ayanda Gcaba (Free State Stars), Wayne Arendse (Santos), Patrick Phungwayo (Wits), Nazeer Allie (Ajax Cape Town). Middelveldspelers: Reneilwe Letsholonyane (Kaizer Chiefs), George Lebese (Kaizer Chiefs), Thami Sangweni (Amazulu), George Maluleka (Ajax Cape Town), Mzikayise Mashaba (Free State Stars), Sibusiso Vilakazi (Wits), May Mahlangu (Helsingborg), Granwald Scott (Ajax Cape Town), Lehlohonolo Masalesa (Wits), Nhlanhla Vilakazi (Ajax Cape Town). Doelskieters: Ryan Chapman (Wits), Siyabonga Nontshinga (Cosmos), Lehlohonolo Majoro (Kaizer Chiefs).

- Volksblad