Britse klubs soek Bafana-spelers
2010-07-27 11:50
- Artikelopsies
- Deel
- Kry Volksblad op
Johannesburg – Die afrigter van die Skotse sokkerklub Glasgow Rangers, Walter Smith, het Dinsdag bevestig dat sy klub belangstel in Bafana Bafana se Bongani Khumalo en Katlego Mphela.
Dié twee spelers het veral beïndruk by vanjaar se Wêreldbeker-sokkertoernooi waar hulle elkeen ‘n doel in Bafana se 2-1 oorwinning oor Frankryk in die laaste groepwedstryd aangeteken het.
Tottenham Hotspurs het Khumalo ook glo genooi vir ‘n proeftydperk terwyl Birmingham City blykbaar in Mphela belangstel.
Smith het gesê Glasgow Rangers is gereed om £2 miljoen (byna R23 miljoen) vir die twee spelers te betaal.
"Ek dink Bongani en Katlego is die regte spelers om ons span te help versterk," het Smith in 'n onderhoud met die Daily Record-koerant gesê.
- Sport24