Twee Highlanders-spelers geskors
2010-03-11 10:50
- Artikelopsies
- Deel
- Kry Volksblad op
Kaapstad - Die Highlanders-flank Adam Thomson en losskakel Michael Hobbs is vir een Super14-wedstryd geskors nadat hulle hul span se aandklok-reël in Suid-Afrika oortree het.
Die Highlanders het verlede naweek 33-0 teen die Stormers verloor en dié twee spelers word nie vir Saterdag se wedstryd op Loftus Versfeld teen die Bulls oorweeg nie.
Die breier van die Highlanders, Glenn Moore, het beklemtoon dat dit die enigste oortreding deur dié twee spelers is.
“Elke week moet spelers die reg om vir hul span te kan uitdraf verdien, en die twee ouens gaan nie Saterdag die geleentheid kry om te speel nie," het Moore gesê.
Thomson het al in 15 toetse vir die All Blacks gespeel en Hobbs is die seun van Jock Hobbs, die voorsitter van Nieu-Seeland se rugbyunie.
Die wedstryd tussen die Bulls en die Highlanders skop Saterdag op Loftus Versfeld in Pretoria om 17:05 af.
- AP