McCaw: Daar's niks fout met veld

Melbourne – Die kaptein van die All Blacks, Richie McCaw en sy Australiese eweknie, Rocky Elsom, het gesê die veld vir Saterdag se Drienasies-toets behoort nie probleme te gee nie, nadat daar vroeër kommer oor die ongelyke oppervlak uitgespreek is.

McCaw het Vrydag gesê hy en sy span het die Docklands-stadion, waarop Australiese voetbal (Aussie Rules) meestal gespeel word, besoek.

“Dit is nie die beste veld waarop ek nog gespeel het nie…..maar daar sal nie probleme met die oppervlak wees Saterdag nie,” het McCaw gesê.

McCaw het dié stadion, wat ‘n oopskuifdak het, met die Millenium-stadion in Cardiff vergelyk. Dit is by die einste Millenium-stadion waar die All Blacks met 18-20 teen Frankryk in die 2007 Wêreldbeker-kwarteindronde verloor het.

“In die skrums sal die gras dalk los getrap word maar andersins sal daar nie probleme wees nie," het McCaw bygevoeg.

Die kaptein van die Wallabies het gesê dat die Docklands-stadion vir hom ‘n bietjie beter as die Millennium-stadion lyk.

“Wanneer ons daar in November toetse teen Wallis speel, bestaan die veld uit modder wat basies net groen geverf is. So die veld in Melbourne lyk bietjie beter.”

Afskoptyd Saterdag is 12:00.

So lyk die spanne:

Australië:

15. Adam Ashley-Cooper, 14. James O'Connor, 13. Rob Horne, 12. Berrick Barnes, 11. Drew Mitchell, 10. Matt Giteau, 9. Will Genia, 8. Richard Brown, 7. David Pocock, 6. Rocky Elsom (kaptein), 5. Nathan Sharpe, 4. Dean Mumm, 3. Salesi Ma'afu, 2. Stephen Moore, 1. Benn Robinson

Plaasvervangers: 16. Saia Faingaa, 17. James Slipper, 18. Rob Simmons, 19. Matt Hodgson, 20. Luke Burgess, 21. Anthony Faingaa, 22. Kurtley Beale

Nieu-Seeland:

15. Mils Muliaina, 14. Cory Jane, 13. Conrad Smith, 12. Ma'a Nonu, 11. Joe Rokocoko, 10. Daniel Carter, 9. Jimmy Cowan, 8. Kieran Read, 7. Richie McCaw (kaptein), 6. Jerome Kaino, 5. Tom Donnelly, 4. Brad Thorn, 3. Owen Franks, 2. Keven Mealamu, 1. Tony Woodcock

Plaasvervangers: 16. Corey Flynn, 17. Ben Franks, 18. Sam Whitelock, 19. Victor Vito, 20. Piri Weepu, 21. Aaron Cruden, 22. Israel Dagg

- Sport24