Fransman wen skof in Parys-Nice
2010-03-10 12:15
- Artikelopsies
- Deel
- Kry Volksblad op
Limoges, Frankryk – Die Franse fietsryer William Bonnet het Dinsdag die tweede skof van die Parys-Nice-fietstoer gewen.
Dit is die 27-jarige Fransman se eerste skofwen in ‘n internasionale kompetisie.
Lars Boom van Holland is steeds die algehele voorloper van dié gewilde fietstoer wat Sondag eindig.
“Hierdie is my eerste groot oorwinning, ek het lank daarvoor gewag,” het Bonnet gesê.
“Ek kon dit regkry om ‘n botsing in die laaste kilometer te vermy en het toe vir Luis Leon Sanchez van Spanje ingehaal, wat 400m voor die einde begin jaag het,” het Bonnet gesê.
Die tweemalige wenner van die Tour de France, Alberto Contador, het die tweede skof moeiteloos voltooi, nadat hy Maandag geval en sy been gekneus het.
Die derde skof van die Paris-Nice-fietstoer strek oor 208 km vanaf Saint-Junien na Aurillac.
- AFP