Beïndruk met jou modesin in herfs, winter
2012-02-17 22:15
- Artikelopsies
- Deel
- Kry Volksblad op
Madelein Venter
MODE is nie altyd mooi nie, en partymaal lig die meeste van ons maar net ons wenkbroue as ons sien wat op die modefront gebeur.
Wat egter baie belangrik is om te onthou is dat die meeste modes wat ons op die loopplanke van die gewilde modestede soos Milaan en Parys sien, nie net so op winkelrakke gaan verskyn nie. Dis gewoonlik ’n baie afgewaterde weergawe wat dit uiteindelik tot in ons naaste winkelsentrum maak.
Volgens die modevertoning wat onlangs in bogenoemde stede gehou is, val die klem van vanjaar se mansmodes vir herfs en winter op geld, seks en mag. Die neigings is dus sterk en in party gevalle nogal over the top.
Hier is ’n paar neigings vir mansmodes vir die kouer seisoene:
•Snyerspakke is groot mode.
•Militêre jasse is weer gewild.
•Interessante truie met breë nekke, ook tartan en visgraat en, snaaks genoeg, ook met dieremotiewe was op die loopplanke te sien.
•Leer is gewild vir mans en vroue hierdie herfs/winter. Dit word byvoorbeeld op die lapel van ’n baadjie of oor die skouers aangetref.
•Metaalinsetsels is op skoene te sien, veral in straps bo-oor die brug van die voet.
•Manbags is een modebykomstigheid waaraan baie mans nog swaar sluk. Hierdie seisoen se manbags is kleiner en word sommer in die hand vasgehou. Baie soos ’n clutch-handsak vir vroue.
•Ek’s seker baie mans sal juig oor die feit dat pette ook terug in die mode is.
•Jasse met breë skouer is ook nou gewild.
•Kleurvolle boksstewels is blykbaar nou ’n modeartikel, maar ek sluk nog maar swaar daaraan...
•Glo dit of nie, koerante. Baie modelle is op die loopplank met ’n koerant in die hand gekiek.
Nog neigings om van kennis te neem:
Olyfkleur;
•die “bomber jacket” (vliegbaadjie);
•die “pinstripe” (strepiespak)
•die “wet-look” vir hare is ook terug (vermoed die meeste mans was nie bewus daarvan dat dit ooit nié in die mode was nie...)
•paisley (dis reg, daardie vreemde “print” wat veral op Altus van 7de Laan se hemde gesien kan word...)
•Atrakanwol (as jy dit kan bekostig).
So, maak seker jy beïndruk die vrou in jou lewe met jou modesin wanneer die bibberweer inskop.
– Bron: www.guardian.co.uk
Kontak my gerus met enige vrae, voorstelle of kommentaar by mode@volksblad.com.
- Volksblad