- Artikelopsies
- Deel
- Kry Volksblad op
Weduwee aangerand: Wat moet verander?
deur MyVolksblad-redakteur
2011-02-15 11:09
ZASTRON. – Die “ongoddelike dors” waarmee sy langer as 25 uur bebloed
in haar slaapkamer moes lê en wag, was vir ’n weduwee byna erger as die
uiterste pyn wat sy moes verduur.
Mev. Annetjie Smith (62), ’n pensioentrekker, is Sondagoggend deur
twee aanvallers in haar huis op die dorp oorval. Ná die wrede aanval is
sy eers gister gevind en toe inderhaas per EMS-helikopter na die
trauma-eenheid van die Pelonomi-hospitaal in Bloemfontein gebring
Die onbekende aanvallers het haar met die vuiste toegetakel,
rondgesleep, probeer versmoor en toe met toue en kettings vasgemaak en
in haar huis vir dood agtergelaat.
Meeste kommentaar op die berig vra dat die doodstraf weer ingestel moet word.
Is die doodstraf werklik die enigste oplossing om hierdie soort misdaad hok te slaan?
Watter ander oplossings dink jy moet die regering oorweeg? Sê jou sê.
Gee jou mening in die kommentaar-venster hier onder of stuur 'n brief na mjlourens@volksblad.com.