Watter stad is die 'sexyste'?

Bloemfontein se vroue is wulps, vuurwarm en wil graag tussen die lakens woeker!

Dié sappige feite blyk uit ’n sekspeiling wat die tydskrifte Men’s Health en Women’s Health vroeër vanjaar onder 1000 Suid-Afrikaners gevoer het en waarin die Rosestad as die “sexyste” stad in Suid-Afrika aangewys is.

Lori Cohen, adjunk-redakteur van Women’s Health, en ook die skrywer van die artikel, sê 18% van die tydskrif se Bloemfontein-lesers het aangedui hul masturbeer daagliks. “Voorts het byna die helfte gesê hulle sal daarvan hou om elke dag seks te hê.”

Cohen sê met die aantal Bloemfontein-lesers wat bogenoemde feite erken het, plaas dit die stad se vroue beslis heel bo in die “sexy”-kategorie in die land. “Daarom het ons besluit om die prys aan Bloemfontein te gee.”

Watter stad is vir jou die "sexyste"? Vertel ons in die kommentaarvenster hier onder.