Sê jou sê: Lees jy skinderstories?

Lesers kla gereeld dat koerante moet ophou om skinderstories oor Suid-Afrika se glanspersoonlikhede te publiseer. Tog is hierdie stories telkemale die gewildste stories en stoot verkope van koerante en tydskrifte op.

Die storie dat Elizma Theron en Theuns Jordaan se verhouding vir eers op ys geplaas is, was byvoorbeeld een van die gewildste stories in die nuus verlede week.

Lees jy sulke skinderstories? Sal jy `n koerant of tydskrif wat jy andersins nie sou opgetel het nie juis koop oor die publikasie `n skinderstorie op die voorblad het? Skinder jy self soms in jou persoonlike lewe?

Glo jy dat meeste mense sulke stories wil lees maar dit bloot net nie sal erken nie? Of reken jy net sekere tipe mense stel daarin belang?

Gee jou mening oor hierdie gesprek - lewer hier onder kommentaar of stuur `n brief oor jou ervaring en opinie na cornelia.vdmerwe@volksblad.com.