Want ons bly in Afrika

Dankie vir die insiggewende voorbladberig “Groot gif in welsynskoek” (VB, 30/01) oor die gevaar van groeiende maatskaplike toelaes.

Dis egter al vir jare duidelik dat die koek gaan opraak – selfs ’n graad 11-kind kan die som maak.

Hoe kan 4,5miljoen belastingbetalers sorg vir 12,5 miljoen swakkes, gestremdes, luies, slegtes, oues, swangeres, ongehudes? Die tendens kom wêreldwyd voor. Eendag is die koek op.

En dan? Solank ons niks kan bydra nie en kan “demand’, loop die trein al hoe vinniger teen die afdraand.

Hierdie trein haal naderhand die soustrein in. Wat gedoen wil wees!

Maar die toelaes kan nie gestop word nie, want die stemme van diegene wat dit ontvang, hou die manne en vroue in die voortsnellende soustrein!

Alle toelaes is nie verkeerd nie – mense wat hul lewe gewerk en bygedra het tot die staatskas, verdien ’n toelaag en ’n menswaardige oudag.

Afrika moes al 50 jaar gelede begin het om jaarliks mense wat aanmeld vir vrywillige sterilisasie te vergoed met ’n eenmalige toelaag. Dan het ons kontinent nie vol foto’s gehang van mense met dooie oë en brandmaer liggame nie. Dit is nie te laat nie. Begin vanjaar daarmee en sien die resultate oor 10 jaar of 20 jaar. Stop daarmee saam die soustreine wat ons kontinent deurkruis! Dit alles is seker net ’n droom.

Want ons bly in Afrika!

C Kempff
Bloemfontein