- Artikelopsies
- Deel
- Kry Volksblad op
Politici kuier op belastinggeld
deur Hendrik Minnie
2011-09-24 03:17
Die parlement besoek Mangaung vandeesweek. Daar is weer spesiale vlugte en vervoer gereël, hotelle bespreek, en saam met al die ander etes ’n galageleentheid in die stadsaal gereël. Alles op die belastingbetalers se koste. Net die parlement se rekening alleen beloop ongeveer R14 miljoen, die koste van die wetgewer se gala-geleentheid is nog nie bekend nie.
Terwyl politici vir die paar dae in die Vrystaat die beste wat belastinggeld kan koop geniet, is baie van ons inwoners in Mangaung sonder water, sonder werk, en sonder kos.
Indien die besoek minder korrupsie, beter dienste en geleenthede vir ons mense teweeg gaan bring, sou hulle dit moontlik nog kon regverdig. Ons weet egter uit ondervinding dat die paar dae se praat net nog verslae bewerkstellig waaroor politici kan praat en laat dink dat hulle hard gewerk het.
Hendrik Minnie
DA-raadslid, Mangaung