- Artikelopsies
- Deel
- Kry Volksblad op
Onthou tog dienslewering, ook wat taalbeleid betref!
deur Louis Heunis
2012-02-03 21:50
“Afrikaans se status in gedrang (VB 02/02/2012) verwys.
Ek leef en oorleef daagliks hier in die Noord-Kaap; my hoofstad is Kimberley en ons is so 1 103 900 siele sterk hier.
Ons is so 68% Afrikaanssprekend, 20,8% Setswana-sprekend en 2,5% Brits-sprekend: Die Koloniale taal.
Meester, ja ú met die strepiespak daar innie parlement-in met die swart Audi, ek vra u móói namens my oompie in Prieska; my ousie en dêddie in Hopetown in; my geliefde mams in Greenpoint; my oupa in Roodepan asook auntie Sous in Ritchie, om móói na ons te kyk wanneer julle die nuwe Wette oorie taalbeleide daar innie Kaap déúrpraat.
Onthou tog vir ons hier wat daagliks die staatsvorms(e) by die polisiekamp en by die magistraatskantoor kry en moet invul.
Wáffer woord is daai nou wee wat onse president so van smáák? “Service delivery.” Dankie my koning!
(Please, moet toggie onse mense hier vergee(r)t nie.)
Louis Heunis
Kimberley