- Artikelopsies
- Deel
- Kry Volksblad op
Ek kyk nie meer, want kykNet stel teleur
deur Pieter Aucamp
2012-02-10 22:00
Das Viljoen skryf in Volksblad se susterkoerant Beeld (29/01) oor kyk-NET: “Die beeld wat die programme uitdra, is dat ons Suid-Afrikaners maar eintlik kommin en agter die klip is.” Ek weet nie of ’n mens dit so kras moet stel nie, en of die persoon eintlik Afrikaners bedoel het nie, maar kykNET stel my ook baie teleur en daarom kyk ek nie juis meer daarna nie. Kom ons kyk na ’n paar programme.
Mollie & Wors: Wat ’n klomp twak. Ontbytsake: Met die ekonoom as spanleier wat so vinnig praat. Egoli: Daaroor sê ek niks. Fiesta: Die feeste word ook nou afgesaag en is elke jaar omtrent dieselfde. Kwela: Met alle respek teenoor Coenie, ’n vars briesie sal welkom wees.
Die toppunt is egter verlede Maandagaand se Hoezit, my tjomma.
Die programme van Toks vat die koek. ’n Mens weet nie wat hy gedoen het om skielik TV-status te bekom nie.
En klein Tolla s’n die kersie op die koek! Stoute Boudjies (fliek) en Skerp verdien geen kommentaar.
As ’n mens die herhalings in ag neem, weet ek regtig nie of dit die moeite werd is nie.
Dalk is Das reg.
Pieter Aucamp
Welkom