Rossi nog vinniger; Ducati’s op sy hakke
2010-03-04 10:41
- Artikelopsies
- Deel
- Kry Volksblad op
Hier kom ’n riller van ’n stryd in vanjaar se MotoGP-seisoen, wat oor ’n bietjie meer as ’n maand afskop.
In die tweede reeks amptelike oefeninge op die Sepang-renbaan in Maleisië het die verdedigende wêreldkampioen, Valentino Rossi (Yamaha), ’n vinniger baanrondtetyd behaal as sy kwalifiseringstyd vir verlede jaar se ren op dié baan.
Kort op sy hakke was die Ducati-paar Casey Stoner en Nicky Hayden wat beslis die voordeel van die nuwe Desmosedici GP10-enjin ervaar het.
In die vierde plek was dit Colin Edwards op die Monster Yamaha en in die vyfde plek sy spanmaat en superfietskampioen Ben Spies.
Die derde reeks toetse skop op 17 Maart in Katar af en die eerste MotoGP-ren van die 2010-seisoen word op 11 April op die Losail-renbaan in Katar beslis.