Bfn geniet Dans Dans Lisa
2011-05-17 10:30
- Artikelopsies
- Deel
- Kry Volksblad op
“DAAR was nog nooit so baie mense wat ons woorde geken het nie!”
Só het die twee lede van die musiekgroep Dans Dans Lisa herhaaldelik op hul vertoning in die Mystic Boer gesê.
Mense van alle ouderdomme het reeds van vroegaand af opgedaag om die groep te sien.
Die Bloemfonteinse groep Oros in ’n Lang Glas het eerste opgetree en dit was duidelik dat daar ’n hele paar ernstige Oros-ondersteuners in die gehoor was.
Toe Dans Dans Lisa op die verhoog kom, was hulle duidelik verbaas oor die groot klomp Bloemfonteiners wat besluit het om die vertoning by te woon. Hulle het deurentyd grappies gemaak dat almal seker vir Oros kom kyk het en maar net toevallig daar was om hulle te sien optree.
Die gehoor het hulle egter baie gou gewys dat dit nie die geval is nie. Die groep is selfs ná sy laaste liedjie teruggeroep verhoog toe met die gehoor wat geskreeu het: “We want more!”
DANS DANS LISA in die Mystic Boer.
- Volksblad