Twee maal op een dag beroof by lughawe

Johannesburg – ‘n Besigheidsvrou van Botswana was twee keer in een dag die slagoffer van misdaad op die O.R. Tambo-lughawe en sy vermoed dat daar ‘n misdaad-sindikaat in werking is.

Joyce Makuke se handsak is gesteel terwyl sy verlede Dinsdagaand haar tas se gebreekte slot by die aanmeld-toonbank ondersoek het.

Sy het hulp gaan soek, maar sekuriteitswagte het aan haar gesê dat hulle niemand gesien het wat haar handsak geneem het nie.

Op navraag om die beeldmateriaal van die CCTV-kameras te sien, is daar aan haar gesê dat die kameras nie werk nie.

Makuke het haar bankbestuurder gekontak om haar kaarte te kanselleer, maar hy het opgelet dat R3 000 om 19:40 uit haar rekening getrek is,

Dit was eers toe konst. Clement Mazibuko aan diens gekom het en na die CCTV-beeldmateriaal gekyk het dat sy besef het daar was vuilspel.

Makuke het aan hom vertel dat daar aan haar gesê was dat die sekuriteitskameras nie gewerk het nie.

“Mazibuko het aan my gesê dat dit ‘n leuen is. Dit beteken daar is ‘n verbinding tussen die persoon wat my handsak gesteel het en dié wat vir my gejok het oor die kameras.”

Lees die volle storie by The Star