Leer Deon `n bietjie beter ken

Gunsteling-goed
Kleur: Blou, maar Cheetah-oranje is sterk tweede.
Kos: Skaap – skaaptjops, skaapboud, skaapafval. Hy kook graag en hy en sy vrou gaan deur kosfases, hulle is nou net aan die einde van die pizza-fase.
Drankie: Rooi Grapetizer.
Sport: Eintlik ’n toeskouer, maar hy ry ’n bietjie bergfiets. Hy en Anita doen ook bal- en Latyns-Amerikaanse danse.
Fliek: Baie lief vir fliek en kyk byna enigiets.
Musiek: Mozart, rock ’n roll van die jare vyftig, pop- en rockmusiek van sy jeug, Anton Goosen, Theuns Jordaan. Hy speel self ’n bietjie kitaar en baskitaar.
Skrywer: JM Coetzee, Ed Mc Bain, Michael Connelly, Steven Pinker, Lee Child, Marlene van Niekerk, Ettienne van Heerden, Karin Brynard.
Voertuig: Ford-bakkie – vol duike gestamp deur die kinders. Sy BMW GS Adventure laat sy oë blink. Hy ry graag grondpaaie, dit is baie interessanter as teerpaaie.
Hond- of katmens? Kat.
Tegnologie: Mal daaroor.
Wat maak hom bly en wat hartseer? Sy kinders.
As hy ’n ander beroep kon kies, wat sal dit wees? Hy het nog nooit daaraan gedink nie, want hy het nog altyd gehou van wat hy doen. Miskien ’n ruimtevaarder, dit sal ongelooflik wees om die aarde uit die ruimte te sien.
Raad vir skrywers: Deon sê skrywers moet baie en wyd lees, dit is die beste skryfoefening wat jy kan kry. Hyself is inherent nuuskierig oor baie onderwerpe en lees graag boeke van alle genres, fiksie en nie-fiksie. Hy bly op die hoogte van die nuutste neigings in die spanningsverhaalgenre, maar lees ook wyd in sy navorsing vir sy romans. Daar is nie ’n spesifieke boek wat ’n invloed op hom gehad het nie, maar, sê hy, elke goeie boek behoort sy leser se denke te verander.